هەڵەیەکی گەورەیە مرۆڤ لە چرکەساتێکی توڕەیی و بێزاری لەم دەسەڵاتە گەندەڵ و مافیایەی کورد، ڕەحمەت و بەزەیی بنێرێت بۆ خوێنڕێژێکی دڕندەی وەک سەدام، یا داوای هەڵوەشاندنەوەی هەرێمی کوردستان و دام و دەزگاکانی بکات کە بەخوێن و فرمێسک هاتوەتە بون.

ئێمە کە لەگەڵ مەرگدا لەهەڵەبجە دەست لەملان بوین، داسی مەرگ گیانی دەیان ژن و منداڵی دروێنە دەکرد، بەژەهرێک هەوڵی قەلاچۆکردنمان درا لە کۆرۆنا دڕندانە تربوو، ناکرێت و ناگونجێت و نەشیاوە ئێمە کیمیایی باران و ئەنفال و ژان و ئازارەکانی دەستبەسەری گردەچاڵ و بەرحوشتر لەیاد بکەین ڕەحمەت بۆ ئەو دکتاتۆرە خوێن ڕێژە بنێرین.

ڕاستە ئەم حزبە کوردیە فاشیل و فاشیانە ڕۆڵی گەورەیان گێڕا و وەک ئەبو ڕەغال پێشی سوپای داگیرکەری فارسە سەفەویەکان کەوتن و بونە چاوساغیان، ڕاستە ئەم دزو گەندەڵانە مەمکەی شیری منداڵ و بانکی هەڵەبجە و پەنجەو دەستی ئافرەتیان بڕی بۆ ئاڵتونەکانیان، بەڵام ئەم قەوارەیە بەرهەمی ئەو خوێن و فرمێسکانەیە کە ڕشتمان و ڕژێنرا.

ڕاست ئەوەیە چۆن نەفرەتمان لەسەدام کرد ئاوا نەفرەت لە گەندەڵ و تاڵانچی و مافیاکانی هەردو میرنشینە هاوچەرخەکە بکەین، خەبات و ماندونەبون لەڕوبەڕوبونەوەی شڕەخۆرەکان ئەرکی هەنوکەیمانە، لە هەڵبژاردنەکاندا سزایان بدەین .

ئێمەی کورد هەنوکە حزب و سەرکردەیەکمان نیە ڕابەرایەتی حەقیقی خەڵکی ناڕازی و بەشمەینەتی کوردستان بکات بۆ ڕاماڵینی ئەم گەندەڵانە، وەگەرنا دەمێک بوو گسکیان لێ درابوو، ئێستەش داوای کردنی هەڵوەشاندنەوەی ئەم هەرێمە ئەلتەرناتیفەکەی بریتیە لە حسن پلایس و حەشدی شیعی و مل کەچی ئێرانی فارسی سەفەوی، بۆیە ئارامی و دان بەخۆداگرتن هەتا دەرفەتێکی شیاو باشترین بژاردەیە نەک تۆپینی خۆمان و زەرەری ساحێبمان...

وتارەکانی تری ئەم نوسەرە
یاسین ڕەسول عوسمان
سەما کردن لەگەڵ گورگ
یاسین ڕەسول عوسمان
کۆمەڵگەی شڵەژاو
یاسین ڕەسول عوسمان
لەنێوان فۆرم و شوناس گۆڕین
یاسین ڕەسول عوسمان
هەولێر تەنها نیە!
یاسین ڕەسول عوسمان
دیارە بەغدا خۆشە !
یاسین ڕەسول عوسمان
کورد بوون و کوردایەتی
یاسین ڕەسول عوسمان
درۆ،دەروازەی بێ متمانەیی...
یاسین ڕەسول عوسمان
ڕیسکی زەنگی گەشتەکەی کازمی
یاسین ڕەسول عوسمان
خەمێک بۆ پەروەردە

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©