بابەت...سیاسی مێژوویی، چاپی یەکەم ۲۰۲۰ لەلایەن ناوەندی ڕۆشنبیری ئەدیبان چاپکراوە، لە ۱۰/۳ بە ٥ هەزاردینار کڕیم، ئەمشەو شەممە ۲۰۲۰/۱۰/۱۷ کۆتایم بە خوێندنەوەی هێنا...


کتێبەکە بەگشتی ۱٤۱ سەردێڕ و ناونیشانی بابەتەکانی لەدووتوێی ٥۰۱ لەپەڕەدا لەخۆگرتووە، سەرەتایەکی پێویست و تا لاپەڕە ۳۰پانورامایەکی خێرای شەڕەناوخۆییەکانی جیهان و هەندێک شەڕی میرەکانی کوردو هۆزو عەشیرەتەکانی تێدایە، دواتر بابەتەکە لە ساڵانی ۱۹٦٤--تا---۱۹۹۸ نێوان هەردوباڵی مەلایی و جەلالی لەخۆدەگرێت.

هەتا ڕێکەوتنی ناچاری هەردولا لە ۱۹۹۸/۹/۱۷ لە واشنتون... کتێبێکی باش و بەسودە بۆ کەسێک بیەوێت لێکۆڵینەوەی ئەکادیمی لەسەر شەڕی یەکتر کوژی و براکوژی کورد بکات کەناویان ناوە شەڕی ناوخۆ...زانیاری وردو بەتایبەت بەروارو هەندێک ڕوداوی تێدایە گرنگە تاکی کورد بیری نەچێتەوە، بۆ ئێمە کە لەهەناوی کارەساتەکەدا ژیاوین و تاڵاوی ئەوڕۆژانەمان چەشت کەتا ئەمڕۆش بەردەوامە، هیچی نامۆ نیە و زۆرباش هەردولایان و حزبە بەشەڕهاتوەکان زۆرباش دەناسین ،سەلاح ڕەشید دەڵێت: ( شەڕی ناوخۆ..شەڕبوە لەسەردەسەڵاتی سیاسی کێ ئەتوانێت فراوانترین وزۆرترین ناوچەوشارو شارۆچکە بخاتە ژێر دەسەڵاتی خۆیەوە)( هێزە ئەقلیمیەکان هەمیشە بەزارەکی خۆیان بە دۆستی کورد نیشانداوە بەڵام لەڕاستیدا ئەگەرلە قۆناغێکدا یارمەتی لایەکیان دابێت بۆ ئەوەبوە لاکەی تر بێهێز بکەن ناکۆکیەکان گەورەترو درزەکان قوڵتر ) خراپترین بەڵا ئەوەیە مرۆڤ لەبەرامبەریدا نەتوانیت هیچ بکات تەنها پێکەنین نەبێت، ئەم هێزە ئەقلیمیانە کەباسیان دەکرێت هەرخودی حزبە کوردیەکان ئەو ڕاستیەشیان زانیوە بەڵام بۆڕسوا کردنی براکەیان خۆیان فڕێ داوەتە ئامێزیان، هەموو سەرشۆڕیەکیان لەبەردەم (تاران، ئەنقەرە، بەغدا، دیمەشق، قاهرە، لندن، پاریس، درۆگیدا، دبلن واشنتۆن ) قبوڵ کردوە تەنها بۆ ڕسوا کردنی براکوردەکەیان ،لەیەکتر کوشتندا سەخی بوون !!!!!

چەند پەرەگرافێکی کورت و گرنگتان بۆ دەگوازمەوە ( ڕەنگە زەمینەی شەڕی ناوخۆ لەم قۆناغەدا دوربێت، بەڵام ئاشتیەکی پتەویش نزیک نیە تا ئەوکاتەی کە ئەم دوو حزبە خاوەنی هێزی چەکداری خۆیان بن، .....لایەک تابینەقاقای لەغروردا بێت ئەوانەی تر بە بچوک سەیربکات ئەوە بەدڵنیاییەوە ئاشتی ڕاستەقینە لەم ناوچەیە دور دەکەوێتەوە) لەزاری حەمەی حاجی مەحمودەوە بۆمان دەگێڕێتەوە کە( سەردانی مسعودبارزانی دەکات دەنوسێت،زۆرقسەم لەگەڵ کاک مەسعودکرد لەوڕوەوە کاک مسعود دەیوت ئەمجارە خۆم دەچمە شەڕەوە وە وتی:سەدام حسێن وهەمو کەس قبول دەکەم،بەڵام جەلال قبوڵ ناکەم،،وتی کەرامەتی پارتی شکاوە لەکەلار لە کفری،لە دەربەندیخان، ئاڵای پارتییان داگرتوە خستویانەتە ژێرپێوە،کورد چیە؟ من سەرکەوتنی کورد لە پارتیەوە دەبینم ل۳٤٤) پێم باشە ڕامانێکی ورد لەم پەرەگرافەی دواتر بکەن ،مام جەلال لە ۱۲/۲۲ بروسکەیەک بۆ مەسعود بارزانی دەنێرێت و تیایدا دەڵێت: (۲-هەق نیە بارزانیەکان و هێزی بارزان بخەیتە شەڕەوە چونکە واباشە پیرۆزی خاکی بارزان لە نێوان خەڵک و بارزانیەکاندا ڕەنگ بداتەوە نەک لە ئەنجامی خوێن ڕشتندا لەگەڵ چەند ناوچەو هۆزو بگرە دوژمنایەتی بۆ بارزانیەکان دروست دەبێت،ڕەنگە ناچاربون هەقیان بێت بەڵام ئێستا دورە،جگە لەوەی کە شەڕەکە هەرهەموی خۆکوژیە ئیتر بۆچی بارزانی تێوە بگلێنن، ل ۳٤٨ )!!!؟؟
باسی شەڕی، یەکێتی و پارتی، یەکێتی و شیوعی و پاسۆک و حسک و لەشکری ئیسلامی کوردو بزوتنەوەو pkk ، شەڕی پارتی لەگەڵ یەکێتی و pkk و حسک و بزوتنەوەو حدکا و پارێزگاران و ..هتد تێدایە، وەک زانیاری شتی باشی تێدایە و ئەکرێت وەک دەکیومێنتێکی چاک سودی لێوەرگیرێت. دیار ترین لایەنە نێگەتیفەکانی ئەم کتێبە، ئەوەیە ناونیشانی کتێبەکە دەبوو بنوسرایە شەڕی ناوخۆی کورد لەنێوان ساڵانی ۱۹٦۰----۱۹۹۸، چونکە کتێبەکە بەچڕی و ستراتیژیەتی ئەوەیە تیشک بخاتە سەر ئەو قۆناغە، هەروەها نوسەر ویستویەتی و هەوڵی داوە بێلایەنانە بنوسێت،بەڵام نەیتوانیوە ناتوانێت بێلایەن بێت، چونکە پەرەگراف و بژاردەو هەڵاوێردی بروسکەکانی شەڕی کردوە و ئەوە لایەنگیری تەرەفێکی تێدایە زیاتر بەرچاوە، لەگەڵ ئەوەی هەندێک لایەنی نێگەتیفی حزبەکەی خوێشی نەبواردوە، هەروەها نوسەر بەکاری دبلوماسی بەشداری شەڕی ناوخۆبوە لەبەرژەوەندی لایەکیان، خاڵێکی تر پێدەچێت نوسەر لەدەرەوەی کوردستان بوبێت لە ڕۆژەکان و ساڵەکانی شەڕی براکوژیدا، چونکە هەندێک وردەکاری ڕۆژانەی شەڕ لە سەر ئاستی جەماوەر و کاریگەری میدیایی شەڕ فەرامۆش کراوە نمونەی قێزۆ ونن بەکەڵکی گێڕانەوە نایەت!! هەروەها ئەو سێ پەرەگرافەی سەر بەرگی کتێبەکە گرنگ نیە، چونکە ناوەڕۆک شتێکی ترمان پێ دەڵێت.
پوختەکەی هێڵە گشتیەکان و پانورامای شەڕەکانی تێدایە و بەڵام بەوردی لەسەر فاکتەرەکان نەوەستاوە و دادوەری بۆ خوێنەر جێهێشتوە، هەروەها پوختەکەی پێمان دەڵێت: هەردوو حزب و سەرکردەکانیان و مەکتەب سیاسیەکان لە ساڵانی ۱۹٦۰ --۱۹۹۸ و تائەمڕۆ بەرپرسن لەتاڵانکردن و کوشتن و وێران کردنی کوردستان،،هەروەها کتێبەکە هەڵەی مەعلوماتی زۆری تێدایە بۆ نمونە لاپەڕە ۳۱۱ و هەروەها هەڵەی زۆری تایپکردنی تێدایە ، دواجار من وای تێدەگەم کە پێویستە نەوەی نوێ ( وەک جینەرەیشن نەک وەکو حزب و ڕێکخراوە سیاسیەکە ) هەموو هەوڵ و توانایەکیان بخەنەگەڕ پایانێک دانێن بۆ عەقڵیەتی پاوانخوازی و سوکایەتی و یەکتر سڕینەوەو کەرامەت شکاندنی مرۆڤی کورد.

وتارەکانی تری ئەم نوسەرە
یاسین ڕەسول عوسمان
سەما کردن لەگەڵ گورگ
یاسین ڕەسول عوسمان
کۆمەڵگەی شڵەژاو
یاسین ڕەسول عوسمان
لەنێوان فۆرم و شوناس گۆڕین
یاسین ڕەسول عوسمان
هەولێر تەنها نیە!
یاسین ڕەسول عوسمان
دیارە بەغدا خۆشە !
یاسین ڕەسول عوسمان
کورد بوون و کوردایەتی
یاسین ڕەسول عوسمان
درۆ،دەروازەی بێ متمانەیی...
یاسین ڕەسول عوسمان
ڕیسکی زەنگی گەشتەکەی کازمی
یاسین ڕەسول عوسمان
خەمێک بۆ پەروەردە

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©