بێ ڕاڤەی تەئاموریانەو کاردانەوەی ڕەیسزمیانە،گەشتەکەی کازمی بۆ کوردستان ئەگەر ڕیکلام وشۆوێکی میدیاییش بێت ، ئەوا  دەبێت داچەڵکینێکی جدی بۆ دەسەڵاتدارانی کورد بهێنێتە ئاراوە،ئەو تەرزی پێشوازی کردنەلەسەر ئاستی شەعبی ولە بارێکدا سادەیی و خۆشباوەڕی مرۆڤی کورد نمایش دەکات کەوا دەزانن فریشتەیەک وەک فریاد ڕەس لەئاسمانەوە دابەزیوە بۆ قوتار بون لە دۆزەخ و ئەهریمەنی دەسەڵاتی کوردی، نازانن دواجار کازمیش ڕۆڵەی کولتورێکە لەهەناوی ئەو کۆمەڵگەعراقییەی کە دکتور عەلی وەردی بە کۆمەڵگەیەکی کەسایەتی ئیزدواجی ئاژماری دەکات، لەلایەک بەبەزەیی و بەخشندەو خاکی ،لەهەمان کاتدا شانازی دەکات بەخێڵ و هێزی خێڵ و ڕادەی ئازایەتی خێڵ لە تاڵانکردن و کوشتن و بڕین و ماف زەوتکردندا، لە ڕەهەندێکی ترەوە شۆکە بۆ دەسەڵاتدارانی کورد.

گەشتەکەی کازمی ،پێمان دەڵێت مرۆڤی کورد هێندە بێزارە لە دەسەڵاتداران ئامادەیە نەک هەر دۆزی کورد کە سەدەیەکە خوێنی بۆ دەڕژێنرێت، بەڵکو ئامادەیە ئەو خاکەش لەسەر دەژی ڕادەستیان بکات لەپێناو قوتاربون لە فریشتەکانی دوێنێ و ئەهریمەنەکانی ئەمڕۆ!!! ئەوانەی دوێنێ بە جوتێک کالەو ڕیشی چڵکنەوە دەهاتنە شار بۆنیان هێندەی مسک و عەنبەرخۆش بوو، هەنوکە کالەکان بونەتە پۆستاڵی میلشیای بنەماڵەکان و گرانترین بۆنەکانی جیهان بەکار دەهێنن بەڵام خەڵکی کوردستان دەست بەکەپویانەوە دەگرن!!!!!


 دەبێ تێبگەین کە مرۆڤی کورد برسی کراوە، کوردستان تاڵانکراوە و هەراج فرۆشکراوە، کەرامەتی مرۆڤی کورد خراوەتە ژێر پۆستاڵی چەکداران و میلشیاکانی شەخس و بنەماڵەکان.


ئاکامەکەی ئامێزکردنەوەی خەڵکە بۆ هەرکەسێک وەک فریاد ڕەس خۆی نمایش بکات تەنانەت بشزانێت ماسکی مرۆڤ دۆستی پۆشیوە ، خەڵکی چیتر بەدروشم بازی کوردایەتی فریو ناخوات، وەدوی پارویەک نان عەوداڵ کراوە ئامادەیە هەموو پیرۆزی یەکیش هەراج کات، ڕازیە بە نیشتمانێکی داگیرکراو و  ساڵانێک بەختیاری،ڕیسکی ئەم گەشتەی کازمی سیحری کوردایەتی بەتاڵ کردەوە، خەڵک چیتر بۆ مرۆڤێکی کورد ناگەڕێت حوکمی بکات، بەڵکو عەوداڵی دادگەریە ئەگەر  ڕەشپێستێک دەستەبەری بکات .

هەنوکە و تابەتەواوی ڕەوشەکە لە کۆنترۆڵ دەرنەچووەو نسکۆیەکی تر لە مێژووماندا تۆمار نەکرێت، پێویستە دەسەڵاتدارانی کورد دەست هەڵگرن لە دروشمی ساختەی کوردایەتی و  تاڵان و ستەمکردن کۆتایی پێ بهێنن ، ڕیفۆرمی حەقیقی دەست پێ بکەن  و بگەڕێنەوە ئامێزی گەرمی خاک و خەڵکی کوردستان بە دڵسۆزی و  ڕاستگۆیی و خزمەتکردن و ئاوەدانی، وەگەرنا ڕەوشەکە  زیاتر لەدەست دەرچێت زەرەرمەندی یەکەم دەسەڵاتدارانی پارتی و یەکێتی دەبن، ئەمجارە کەمپەکانی ئاوارەییش لە ئامێزیان ناگرێت و ئەوانی ئەوروپاش دەبێ بگەڕێنەوە بۆ کارکردنی سەرشەقامەکان... ئایاکەسێکیان هەیە گوێ بگرێت؟!!!!

وتارەکانی تری ئەم نوسەرە
یاسین ڕەسول عوسمان
سەما کردن لەگەڵ گورگ
یاسین ڕەسول عوسمان
کۆمەڵگەی شڵەژاو
یاسین ڕەسول عوسمان
لەنێوان فۆرم و شوناس گۆڕین
یاسین ڕەسول عوسمان
هەولێر تەنها نیە!
یاسین ڕەسول عوسمان
دیارە بەغدا خۆشە !
یاسین ڕەسول عوسمان
کورد بوون و کوردایەتی
یاسین ڕەسول عوسمان
درۆ،دەروازەی بێ متمانەیی...
یاسین ڕەسول عوسمان
خەمێک بۆ پەروەردە

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©