سەرۆکى فراکسیۆنى گۆڕان لەپەرلەمانى کوردستان داوا دەکات لەبارەى پرسى دەرماڵەى خوێندکاران سەرۆکى حکومەت و جێگرەکەى و وەزیرە پەیوەندیدارەکان بانگهێشتى پەرلەمان بکرێن.

لەمیانى دانیشتنى ئەمڕۆى پەرلەمانى کوردستاندا، گوڵستان سەعید سەرۆکى فراکسیۆنى گۆڕان داواى کرد سەرۆکایەتى پەرلەمانى کوردستان بە راگەیەنراوێک ئیدانەى شکاندنى حەرەمى زانکۆ و بەکارهێنانى توندوتیژى بەرامبەر خوێندکارانى زانکۆ بکات و داواى کۆتایى هێنان بەو دیاردەیە بکات.  

داواشى کرد سەرۆکى حکومەت و جێگرەکەى و وەزیرانى دارایى و خوێندنى باڵا بێنە پەرلەمان و رونکردنەوە لەبارەى دۆسیەى دەرماڵەى خوێندکارانى زانکۆ و پەیمانگاکان بدەن.

ئەوەش دواى ئەوەهات کە سەرۆکى پەرلەمانى کوردستان داواى کرد هەردوو وەزیرى دارایى و خوێندنى باڵا بێنە پەرلەمان و رونکردنەوە بدەن لەبارەى پرسى دەرماڵەى خوێندکاران.

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©