سه‌رۆكی دامه‌زراوه‌ی به‌رگریی شارستانی ئێران، جه‌نه‌راڵ گوڵمارزا جه‌لالی ئه‌وه‌ی راگه‌یاندووه‌، له‌ رێگای هێرشی سایبه‌ریی ئه‌مریكا و ئیسرائیله‌وه‌، سیسته‌می به‌نزینی وڵاته‌كه‌ی داخراوه‌.


جه‌نه‌راڵ گوڵمارزا جه‌لالی به‌ ته‌له‌ڤیزیۆنی فەرمیی ئێرانی رايگه‌یاند كه‌ به‌پێی شیكارییه‌ هه‌واڵگرییه‌كان ده‌ركه‌وتووه‌، له‌لایه‌ن ئه‌مریكا و ئیسرائیله‌وه‌ هێرشی سایبه‌ریی كراوه‌ته‌ سه‌ر سیسته‌می به‌نزین و وتی،"هێرشه‌كه‌ كراوه‌ته‌ سه‌ر به‌شی پڕۆگرامسازی و ئێجگار ئاڵۆزه‌، چاككردنه‌وه‌ی ئه‌مه‌ زۆر سه‌خته‌. ئه‌م هێرشه‌ له‌ هێرشی سایبه‌ریی رێگای ئاسنین و به‌نده‌ره‌كه‌ ده‌چێت. به‌ رای ئێمه‌ به‌ دڵنیایییه‌وه‌ ئه‌و هێرشه‌ له‌ رێگای ئه‌مریكا و زایۆنیسته‌كانه‌وه‌ ئه‌نجام دراوه‌".


به‌هۆی ئه‌و هێرشە سایبه‌ره‌ییەی کە لە ٢٦ی تشرینی یه‌كه‌م كرایه‌ سه‌ر سیسته‌می به‌نزین لە ئێران، خزمه‌تگوزاری سووته‌مه‌نی له‌و وڵاته‌ وه‌ستا و قه‌ره‌باڵغییه‌كی زۆر له‌به‌رده‌م وێستگه‌كانی سووته‌مه‌نی دروست بوو.


زۆرترین خوێندراو

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©