ئەبو عەلی عەسكەری، وتەبێژی سەربازی كەتیبەكانی حزبوڵڵای عێراق دەڵێت، ئەنجامی هەڵبژاردن رەتدەكەنەوە و ساختەكاریەكی گەورەی تێدا كراوە و داوا لە گروپەكانی بەرگری دەكات ئامادەبن بۆ بەرگری.


ئەبو عەلی عەسكەری لە بەیاننامەیەكدا بڵاویكردووەتەوە، ئەوەی لە هەڵبژاردنی پەرلەمانی عێراق روویدا پرۆسەیەكی گەورەی ساختەكاری و فێڵكردنە لە گەلی عێراقی، لەسەر حەشدی شەعبی پێویستە كە خۆی یەكلایی بكاتەوە و ئامادەبێت بۆ بەرگری كردن لە خۆی.


وتەبێژی كەتیبەكانی حزبوڵڵا داواشی لە "هاوپەیمانی فەتح"، "هێزی دەوڵەتی نیشتمانی"، "عەقدی نیشتمانی" و "بزوتنەوەی ماف" كە چەند هێزێكی شیعەن كردووە كە بە ئەنجامەكان رازی نەبن.


بەپێی ئەنجامەكانی هەڵبژاردنی پەرلەمانی عێراق كە 10ی تشرینی یەكەم ئەنجام درا، لایەنە سیاسیەكانی سەربە گروپە چەكدارییە شیعیەكان بە تەواوەتی پاشەكشەیان كردووە و بەشێوەیەكی بەرچاو كورسیەكانیان كەمی كردووە.

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©