بەپێی ئەنجامە بەراییەکان، کورد لە سنووری پارێزگای کەرکووک شەش کورسیی ئەنجوومەنی نوێنەرانی عێراقی مسۆگەر کردووە و دەنگدانی تایبەتیش ئەوە یەکلایی دەکاتەوە کە ئایا کورسییەکی دیکە دەبات یاخود نا، چونکە لە بازنەی 1ی کەرکووک، موهەیمەن حەمدانی، کە بەربژێرێکی عەرەبە بە جیاوازییەکی کەم لەپێش موئەییەد غازییەوەیە کە کوردە.

هەردی محەممەد،  رایگەیاند، لە بازنەی 1ی کەرکووک، شاخەوان عەبدوڵڵا، بەربژێری پارتی دیموکراتی کوردستان پلەی یەکەمی بەدەستهێناوە؛ دیلان غەفوور، بەربژێری هاوپەیمانیی کوردستان پلەی دووەمی بەدەستهێناوە؛ ئومێد محەممەد، بەربژیری نەوەی نوێ لە پلەی سێیەمدایە، سەباح حەبیب، بەربژێری هاوپەیمانیی کوردستان پلەی چوارەمی بەدەست هێناوە.

بۆ یەکلاکردنەوەی کورسیی پێنجەمیش رکابەری لە نێوان موهەیمەن حەمدانی و موئەییەد غازیدایە.

دەنگی بەربژێرانی بازنەی 1ی کەرکووک جگە لە دەنگی تایبەت:

شاخەوان عەبدوڵڵا، پارتی: 35288 دەنگ
ئومێد محەممەد، نەوەی نوێ: 22223 دەنگ
دیلان غەفوور، یەکێتی: 18438 دەنگ
سەباح حەبیب، یەکێتی: 14538 دەنگ
موهەیمەن حەمدانی، عەرەب: 12560 دەنگ
موئەیەد غازی، یەکێتی: 9384 دەنگ
سدیق عومەر، یەکێتی: 8503 دەنگ
ئاڵا تاڵەبانی، یەکێتی: 7888 دەنگ

تایبەت بە بازنەی 2ی کەرکووک، گەیلان قادر، بەربژێری هاوپەیمانیی کوردستان توانیویەتی پلەی یەکەم بەدەستبهێنێت؛ نەجوە کاکەیی، بەربژێری پارتیش بە کۆتای ژن سەردەکەوێت.

لە بازنەی 3ی کەرکووکیش راکان سەعید، محەممەد تەمیمی و ساهیرە غەریب کە هەرسێکیان عەرەبن سەرکەوتوون.

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©