ھێزەکانی بەرەی بەرگری نیشتمانی لە ویلایەتی پەنچشیری ئەفغانستان ھێرشێکی چەکدارانی بزوتنەوەی تاڵیبان بۆ سەر ویلایەتەکە شکستپێدەھێنن و ١١٥ چەکداری تاڵیبان دەکوژن.


فەھیم دەشتی وتەبێژی بەرەی بەرگری نیشتمانی ئەفغانستان لە ویلایەتی پەنچشیر رایگەیاند، پەلامارێکی "تاڵیبان"یان شکستپێھێناوە و ١١٥ چەکداری بزووتنەوەکە کوژراون و ٢٠٠ی تر برینداربوون و ٣٥یش دەستبەسەر کراون. 

لەبەرامبەریشدا "تاڵیبان"یش جەختی کردووەتەوە لە پێشڕەویدان بەرە و ویلایەتەکە و کۆنترۆڵی دەکەنەوە.

ویلایەتی پەنچشیر لە باکوری خۆرھەڵاتی کابوڵ، لەلایەن ھێزێکی بەرگری سەر بە ئەحمد مەسعودەوە بەڕێوەدەبرێت ، تەنھا ویلایەتە لە ئەفغانستان لەلایەن تاڵیبانەوە کۆنترۆڵ نەکراوە، پێشتریش لە ساڵانی دەسەڵاتیدا لە ١٩٩٦ بۆ ٢٠٠١ ، بزووتنەوەکە نەیتوانیوە ئەو ویلایەتە کۆنترۆڵ بکات.

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©