لەلایەن كۆمپانیایەكی چینییەوە، ڤاكسینێكی تری دژە كۆرۆنا دروست كراو، بەپێی زانیارییەكانی كۆمپانیاكه‌، كاریگەریی ئه‌و ڤاكسینه‌ دژی ڤایرۆسەكە 81%ە.


میدیاكانی چین بڵاویكرده‌وه‌، كۆمپانیای "چونگچینگ زیفی"ی چینی بۆ بەرهەمە زیندەییەكان ڤاكسینێكی نوێی پەتای كۆرۆنای دروست كردووە.


كۆمپانیاكه‌ ئاشكرایكردووه‌، ڤاكسینەكە كاریگەرییەكەی 81.76%ە دژی حاڵەتە مەترسیدارەكانی توشبووانی كۆرۆنا هه‌یه‌ و، تائێستا هیچ كەسێك لەوانەی ڤاكسینەكەیان وەرگرتووە، نە گیانیان لەدەستداوە نە پێویستیان بە نەخۆشخانە هەبووە.


ئه‌و ڤاكسینە ناونراوە "زیفی"، پێنجەم ڤاكسینە كە چین بە هاوكاری ئەكادیمیای چینی بۆ زانست بەرهەمی دەهێنێت، كە باڵاترین دەستەی ئەو وڵاتەیە بۆ توێژینەوەی زانستی.

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©