زۆرێك بەدەست لەبیرچوونەوە دەناڵێنن، هۆكارەكەیشی نازانن، ئەو حاڵەتە لە كات و تەمەن و رەگەزی جیاوازدا هەیە، رەنگە بپرسی هۆكارەكەی چییە و ئەگەر لەبیرچوونەوە نەبوایە چی دەبوو؟، پزیشكێك باسی ئەرێنییەكانی لەبیرچوونەوە دەكا و دووپاتی دەكاتەوە، دەبێتە هۆی بەردەوامبوونی ژیان و پاڵپشتی لە توانای مێشك دەكات.


د. مەجدی بەدران، ئەندامی كۆمەڵەی میسری بۆ هەستیاری و بەرگری لەش، هەروەها ئاماژە دەكات كە مێشك لە زانیارییە كۆن و لەكاركەوتووەكان رزگار دەكات، جیا لە ئەزموونە تاڵەكان و رووداوە بەئازارەكان و یارمەتی دەست پێكردنی ژیانێكی نوێ و خەون و داهاتوویەكی باشتر دەدات.
هەموو هەستیارییەكی لووت و سنگ ئەگەر چارەسەر نەكرێت، لەبیرچوونەوە دروست دەكەن
ئەو پزیشكە دەڵێت، یادگە تەنیا سندووقێكی زانیاری نییە، بەڵكو یارمەتی لە چارەسەركردنی كێشەكان و وەرگرتنی بڕٍیار دەدات، بۆیە ئەوانەی بەزەحمەت شت لەبیر دەكەن، زیاتر تووشی خەمۆكی و سترێس و شۆكبوونی دەروونی دەبنەوە، ئەگەری هەیە نەخۆشانی هەستیاری و بەرگریی لەش شت لەبیر بكەن، ئەوەیش بۆ كەمی ئۆكسجین و ناڕوونی مێشكیبان دەگەڕێتەوە. 


بەپێی قسەكانی بەدران، لەو حاڵەتەیش ماندووبوون و لەهۆشخۆچوون و نەمانی هاوسەنگی و كەمهۆشیاری دروست دەكات، جیا لەوە هەوكردنی بە كەڕووەكان كار لە مێشك دەكات و وەڵامدانەوەی هەوكردن دروست دەكات و یادەوەری لاواز دەكات. بۆیە هەموو هەستیارییەكی لووت و سنگ ئەگەر چارەسەر نەكرێت، دەبێتە هۆی رارایی و شەكەتی بەئۆكسیدبوون لە مێشك و لەبیرچوونەوە دروست دەكەن.


وەك ئەو پزیشكە میسرییە ئاماژەی بۆ دەكات، رارایی كار دەكاتە سەر خەزنكردنی زانیارییەكان، تۆ لەكاتی ماندوبووندا پێویستیت بە كاتی زیاترە بۆ خەزنكردنی زانیارییەكان لە بیرگەی كورتمەودا و گواستنەوەی بۆ یادگەی درێژمەودا، هەروەها دەكرێ فێربوونیش لەكاتی راراییدا زەحمەت ببێت، باشترین شتیش كە بیكەی وەرزشكردنە، وەك رۆیشتن یان بەجێگەیاندنی ئەركی ئاسایی. 

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©