سەرچاوەیەک لە وەزارەتى داراى و ئابورى  حکومەتى هەرێمى کوردستان رایدەگەیەنێت، دابەشكردنی مووچەی ئەم مانگە یان بە بێ‌ لێبڕین دابەشدەكرێت یانیش ئەگەر لێبڕین هەبێت کەم دەبێت.


سەرچاوەکە بە ئاژانسى هەواڵى کوردى(KNA) ڕاگەیاند: بەهۆی ئەوەی بەغدا نییەتی ئەوەیە كە لە مەودوا 200 ملیار دەنێرێت بۆ دابەشكردنی مووچە و هاوكای كۆكردنەوەی داهاتیش لەكاتی خۆیدا وایكردووە كە دابەشكردنی مووچەی ئەم مانگە بە بێ‌ لێبڕین دابەشبكرێت یاخود ئەگەریش لێبڕین بمێنێت كەمتر لە %6 دەبێت ئەوەش ڕێژەیەكی كەمە و زۆر كاریگەری نابێت لەسەر مووچەی فەرمانبەران بە بەراورد بە ڕێژەی لە %21.


ئاماژەی بەوەشكرد، بۆ ئەوەی بڕیاری كۆتایی لەبارەی هەڵگرتنی لێبڕینی مووچە بدرێت ئەوا دەبێت ئەنجومەنی وەزیران و لایەنە پەیوەندیدارەكان بە بڕیارێك ئەوە یەكلایی بكەنەوە، بۆ ئەومەبەستەش بەهۆی ئەوەی لە 25ی مانگ دەستدەكرێتەوە بەدەوام بۆیە پێدەچێت دابەشكردنی لە وادەی دیاریكراوی خۆیدا دوابكەوێت ئەوەش بۆ ئەوەی بەرچاوی وەزارەتی دارایی ڕوون بێت بە چ شێوەیەك مووچە دابەشبكات.


وتەكانی ئەو بەرپرسەی وەزارەتی دارایی لە كاتێكدایەكە ماوەی چەند ڕۆژێكە جێگری سەرۆكی حكومەت دەستی بە ئەنجامدانی چەند كۆبوونەوەیەی چڕوپڕكردووە لەگەڵ بەرپرسی یەكە ئیدارییەكان و بەرپرسانی ئەمنی بۆ ئەوەی چیدیكە ئەو قۆرخاكاری و مەترسیانەی لەسەر كۆكردنەوەی داهات و هاووڵاتیان هەبووە كۆتایی پێبهێندرێت و باروگوزەرانی هاووڵاتیان باشتر بكرێت.

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©