دواجار لیۆنێل مێسی دوای چاوه‌ڕوانیه‌كی زۆر و چه‌ندین جار وازهێنان له‌ یاری نێوده‌وڵه‌تی و گه‌رانه‌وه‌ بۆ ریزی هه‌ڵبژارده‌كه‌ و له‌ده‌ستدانی چه‌ندین یاری كۆتایی مۆندیال و كۆپا ئه‌مریكا ، به‌ یه‌كه‌م نازناوی ره‌سمی له‌گه‌ڵ تانگۆ شاد بوو، توانی نازناوی كوپا ئه‌مریكای 2020 به‌ده‌ست بهێنن، دوای ئه‌وه‌ی له‌ یاری كۆتایی دا به‌ گۆڵێكی بێ‌ به‌رامبه‌ر سه‌ركه‌وتنیان تۆماركرد


له‌و یارییه‌دا یاریزانانی به‌رازیل باشتربوون و چه‌ندین هێرشی یه‌ك له‌دوای یه‌كیان برده‌ سه‌رگۆڵی تانگۆ، به‌ڵام به‌ پێچه‌وانه‌وه‌ له‌ هێرشێكی هه‌ڵگه‌راوه‌ و له‌ خوله‌كی 22 ئه‌نخێل دیماریا توانی به‌ شێوه‌یه‌كی جوان گۆڵی یه‌كه‌م و پێشكه‌وتنی تانگۆ تۆماركرد


یاریزانانی به‌رازیل هه‌وڵی زۆریاندا ئه‌نجامه‌كه‌ یه‌كسان بكه‌نه‌وه‌، به‌ڵام به‌خت یاوه‌ریان نه‌بوو یارییه‌كه‌ش تا كۆتایی به‌ گۆڵێكی خاوێن له‌به‌رژه‌وه‌ندی ئه‌رژه‌نتین مایه‌وه‌ و به‌ شێوه‌یه‌كی ره‌سمی نازناوی كۆپا ئه‌مریكای به‌ده‌ستهێنا

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©