ماوەی  28 ساڵی تەواوە هەڵبژاردەی ئەرژەنتین لە كوپا ئەمریكا بە رۆژووە و  نەیتوانیوە رۆژوو بشكێنێت، میدیا و رۆژنامەنوسەكان پێیان وایە ئەم كوپا ئەمریكایە هەلێكی زێرین دەبێت بۆ مێسی تا بتوانێت رۆژووی كوپا ئەمریكا بشكێنێت,

هەرچەندە بڕیاربوو كوپا ئەمریكا لە ئەرژەنتین ئەنجام بدرێت، بەڵام بەهۆی ڤایرۆسی كۆرۆنا گواسترایەوە بۆ بەرازیل.

ئەرژەنتین خاوەنی 14 نازناوی كوپا ئەمریكایە و دواین جار لە ساڵی 1993 بۆتە پاڵەوان، كاتێك دیگۆ سیمیۆنی و گابرێل باتیستوتا گۆڵی بردنەوەیان تۆماركرد.

ئەرژەنتین لە ساڵی 2004  وە چوار جارە گەیشتۆتە یاری كۆتایی بەڵام لەسەرجەمیاندا شكستی هێناوە.

مێسی لە لێدوانێكدا  رایگەیاندووە: بردنەوەی كوپا ئەمریكا خەونمە، دەمەوێت نازناو  بۆ هەڵبژاردەی وڵاتەكەم ببەمەوە، هەموو هەوڵێك دەدەین و ئامادەین بۆ یاریەكانی كوپا ئەمریكا.

لە كوپا ئەمریكای 2019  هەڵبژاردەی ئەرژەنتین لە قۆناغی پێشكۆتایی بە 2 گۆڵی بێ‌ بەرامبەر بە بەرازیل دۆڕا، رەخنەیەكی زۆر روبەڕووی داوەرەكان كرایەوە كە گوایە ستەم لە تانگۆ كراوە و داوەر هۆكاری شكستەكەیان بووە.

ئەرژەنتین لە كۆمەڵەیەكی قورسدایە، بەرامبەر بە هەڵبژاردەكانی چیلی و بۆلیڤیا و پاراگوای و ئۆرۆگوای یاریدەكات.

لە پاڵاوتنەكانی مۆندیال، سكالۆنی راهێنەر ئەنجامی باشی هەبوە و لە 6 یاری سەرەتادا دوچاری هیچ شكستێك نەبووە.



زۆرترین خوێندراو

بابەتی زیاتر

سەرجەم مافەکانی پارێزراوە KNA . Copyright 2020 - Knanews.net ©